حان اليوم ربك ضامك ميعاد
شك وادي الطفوف ودفن الجراد
جهنم نزلاها بصارمك عباس
واحدهم تطكه يطيح كومه ارماد
يعصي العلكمي لوصدك رايد ماي
والكوثر بديك من السمه ينكاد
لان شفت العطش فت جبدة الاسلام
من دمك رويته وشربيته امراد
من يسمع يصيح الطفل عمي الماي
حط روحه بجربته وعانداها اعناد
العباس واغضب واغضب العباس
كام يشوف كاع وما يشوف اعداد
فتح صفحت بطوله ودوناها السيف
حاك الكاع حوك وجلداها اجلاد
ياخذهم يردهم يكلب الصوبين
يطرد بالجموع مطارد الصياد
طبك حملات حيدر كلهن العباس
اكل بيهم اكل ويطالبون امداد
شبعت كربله بيهم جثث والسيف
للغربان كطع من لحمهم زاد
سقطها الشريعه اووكف حتى الماي
ساقط بين اديك واعلن استعداد
حتى يكون حيدر حاضر الشدات
مقصوده الولاده وساعة الميلاد
راعي الجود جلمه وعجز عنها الجود
ياجود الوصل يمك تعده وزاد
رفض يترك مكانه بساعة التوديع
وي اخته قليله وبالنفس ماجاد
كسر ظهر الحسين بمصرعه العباس
طايح والكمر عالكمر عنده احداد
للخوه مواقف سجل وهيهات
تتكرربعد بالدنيه ماتنعاد
ترك لمسه لذكرها يصفك التاريخ
فرش كبه ومناره ومرمروسجاد
انطانه درس من ينتصر عباس
صمم عالشهاده واخذ منها ابعاد
للخوه مثال وقبلة الزوار
والزاير على الشباج رايح راد
انه التعبان اجيتك من زمن تعبان
اريدن حاجتي منك واريد امراد
0 التعليقات :
إرسال تعليق